Season 16

Voetspore Suid-Amerika Cono Sur is 'n reeks van 13 episodes oor 'n ekspedisie na Uruguay, Paraguay, Chili en Argentinië. Dit is die suidelike keël (cono sur) van die vasteland. Daar is verskeie hoogtepunte in die reeks, soos 'n besoek aan van die oorlewendes van die Andes-vliegongeluk in 1972, die Iguazu-waterval, die Chaco in Paraguay, die Atacama-woestyn, die Stille Oseaan, die wynstreek van Mendoza, die Perito Moreno Gletser, Torres del Paine, die mees suidelike stad Ushuaia, die Afrikaanssprekende gemeenskap van Sarmiento, die walvisse van Puerto Madryn en die Argentynse hoofstad, Buenos Aires. Hierdie is 'n onvergeetlike reis van dramatiese landskappe, keurige kos en wyn, besonderse landskappe en interessante gemeenskappe.