Hvers vegna er mikilvægt að öll börn fái góða kynfræðslu? Um hvað snýst þetta allt saman? Er eðlilegt að hafa áhuga á kynlífi eða ekki nokkurn áhuga? Farið verður yfir mikilvægt fræðslunnar, bæði í skólum og heima fyrir. Hvernig geta forráðamenn verið til staðar fyrir börnin sín? Er í lagi að vera eins og ég er?
Hver ert þú í grunninn og hvað viltu? Þarf maður að hafa áhuga á kynlífi og ef svo er, hvernig verður maður góður í rúminu? Í þættinum verður farið yfir mikilvægi þess að þekkja sig, áður en maður lærir að þekkja aðra, að velta því fyrir sér hvað manni þykir gott og hvað ekki, hvernig maður fari að því að kynnast sjálfum sér og að maður þurfi ekki að skammast sín fyrir það að hafa áhuga (eða hafa ekki áhuga) á kynlífi.
Hvernig deitar maður á Íslandi? Má hreinlega ekkert lengur? Farið verður yfir það hvernig maður sýni annarri manneskju áhuga. Hvaða leikur er í gangi? Þarf að spila með?
Hvernig talar maður saman í kynlífi? Hvað er hægt að segja í rúminu? Hvernig bið ég um það sem ég vil og virði mörk annarra? Farið verður yfir það hvað samþykki raunverulega sé og hvernig maður les í það að manneskja sé í raun og veru til í að stunda kynlíf með manni. Kynlíf er ekki fullkomið, ekkert frekar en við sjálf, og líkamar okkar eru alls konar.
Menningin í kringum okkur kennir okkur hvernig kynlífið eigi að vera, áður en við byrjum að stunda það, t.a.m. klám og rómantískar bíómyndir. Í þættinum verður farið yfir ranghugmyndir þaðan um kynlíf, mýtur úr klámi, hlutverk, samþykki, fjölbreytileika o.fl. Allt má í kynlífi ef allir eru til í það sama.
Hvað skiptir mestu máli í samböndum? Hvernig verður maður góður maki? Þarf ég að hafa áhuga á samböndum? Í þættinum verður farið í grunninn á nánum samböndum. Hvernig virðir maður mörk maka síns á sama tíma og maður leitast eftir því að uppfylla eigin kröfur og standarda?