Í fyrsta þætti hittir Dóri larpara og tekur með þeim larp í Öskjuhlíðinni, en LARP stendur fyrir „live action role playing“. Þau klæða sig í búninga, fara í karakter og hverfa inn í annan heim þar sem þau skylmast og kasta göldrum hvert á annað. En tekst þeim að breyta trölli eins og Dóra í alvöru nörd?
Í öðrum þætti hittir Dóri nörda sem klæða sig upp í búninga, kíkir á nördaráðstefnuna Miðgarð og ræðir við Stjörnustríðsaðdáanda. Einnig hittir hann Furry, en það er fólk með áhuga á teiknimyndadýrum og búningum.
Í þriðja þætti er fjallað um tölvuleiki. Dóri heimsækir meðal annars íslenskt fyrirtæki sem er að búa til leik og fylgist með Íslandsmeistarmótinu í skotleiknum Counter Strike.
Í þessum þætti prófar Dóri DNA spunaspilið Dungeons and Dragons og þarf að kljást við dreka í dýflissum með ímyndunaraflið eitt að vopni.
Í þessum þætti spreytir Dóri sig á alls kyns borðspilum og kynnist nördum sem stunda þau af kappi.