Twee dae se harde ry met die een bergpas na die ander bring die span na Nazca naby die Stille Oseaan. Dit is waar die Nazca-lyne gevind word. Massiewe figure is 2 000 jaar gelede in die woestyn geteken en is eers behoorlik waargeneem met die koms van lugvaart aan die begin van die vorige eeu. Die week word afgesluit met 'n besoek aan 'n wynplaas by Ica en 'n aand in die sandduine van die noordelike Atacama-woestyn.