By Campo Dona Maria het Rademan Janse van Rensburg, voorheen van Ficksburg in die Vrystaat, ’n suikerrietplaas ontwikkel waar tonne organies verboude suiker nou geproduseer word vir uitvoer na Europa. Dit bied nou die geleentheid aan duisende in hierdie gebied, een van die armstes in Mosambiek. Stroomaf van die suikerrietplaas is die 3,7 km Dona Ana-spoorwegbrug by die dorp Senna. Dit is die langste spoorwegbrug op die vasteland.