Caiff Britt ei gorfodi i fod yn rhan o gynllun Garry i fynd a'i blant ar wyliau tu ôl i gefn Dani.
Mae Mathew yn datgan ei fwriad i brynu siâr Dai a Diane o APD a dod yn reolwr newydd ar y busnes.
Mae Rhys yn cynnig cysur i Ffion ar ôl iddi dderbyn dedfryd am y drosedd yfed a gyrru.
Mae perthynas Aled a Tyler dan straen wrth i Aled feio ymyrraeth Tyler am y ffaith fod ei dad yn ei anwybyddu.
Wrth i'w dad wrthod ei gydnabod fel ei fab, caiff Aled ei yrru i wneud rywbeth ffôl yn ei wylltineb.
Gyda Aled yn cuddio rhag yr heddlu mae goblygiadau ei weithred yn rhoi dyfodol sawl aelod y cwm yn y fantol.
Penderfyna Aled ddweud y cwbl wrth yr heddlu ond ceisia rywun ei gadw'n dawel. Cyfaddefa Tesni wrth ei Mam ei bod yn cuddio Aled yn eu cartre.
Mae wyneb cyfarwydd o orffennol DJ yn gwneud dychweliad anniswyl i Gwmderi ar ôl clywed am ei gyflwr.
Poena Dylan y bydd ei gyfrinach yn dod yn wybodaeth gyhoeddus ar ôl i Aled agor ei geg fawr wrth Sioned.
Mae ffrae rhwng Mark a Kath yn gwaethygu pan gyhudda Mark ei fam o'i dwyllo unwaith yn ormod.
Lleisia Eileen ei amheuon am berthynas Sioned pan ddaw rhywun o orffennol DJ i'w weld ym Mhenrhewl.
Mae Eileen yn cwestiynu DJ pan glyw ei fod wedi bod yn cyfarfod ei hen gymar.
Mae Sara'n pledio â Jason i ailysytyried mynd am warchodaeth lawn o Ifan pan ddaw llythyr swyddogol gan ei gyfreithiwr.
Dechreua Gaynor anobeithio yn ei thy gwag heb unrhyw newyddion gan yr heddlu am ei harian a'i heiddo coll.
Caiff paranoia y gorau o Gaynor wrth iddi gyhuddo sawl person o'r twyll ond caiff sioc pan ddaw'r heddlu i gwestiynu Izzy.
Wrth iddi dderbyn swydd ac ymgartrefu yng Nghwmderi, gwna Non ei gorau i gelu'r realiti am ei bywyd yn Aberhonddu rhag Mark.
Wrth i Gaynor geisio dod i wraidd taliad misol Izzy i Wlad Thai, mae hithau'n gyndyn o faddau i'w mam am amau ei merch ei hun o'r twyll.
Mae pethau'n mynd o ddrwg i waeth i Izzy pan gaiff ei gwahardd o'r gwaith yn dilyn honiadau o ddwyn.
Mae ymweliad annisgwyl Len i Gwmderi'n bygwth dadorchuddio holl gelwyddau Non a chwalu ei pherthynas gyda Mark.
Mewn ymgais i achub eu perthynas, rhaid i Mark a Kath wynebu eu ffaeleddau.
Mae cynnig Dylan i fuddsoddi ym musnes Dani'n ei rhoi mewn sefyllfa letchwith wrth iddi barhau i gelu'r gwir.
Mewn ymgais i gefnu ar ei thuedd i balu celwyddau, penderfyna Non ei bod hi'n amser cyffesu ei theimladau tuag at DJ.
Cwestiyna Sioned os ydi priodi DJ yn syniad da wrth i'w amheuon am y briodas ddod i'r amlwg.
Daw Gaynor yn agosach at ddarganfod pwy ddygodd ei hunaniaeth pan ddaw gwybodaeth newydd i'r fei.
Aiff Sioned i weld Non er mwyn chwalu unrhyw obeithion sydd ganddi o ailgynnau perthynas gyda DJ.
Colla Gaynor reolaeth ar ei hun wrth amau ei bod yn cael ei bradychu gan rywun agos ati.
Daw'r tyllau yn stori Angharad yn fwy amlwg i Gaynor wrth iddi ddarganfod prawf am ei thaith ddiweddar i Awstralia.
Llwydda Angharad i argyhoeddi Hywel fod dychymyg Gaynor yn chwarae triciau â hi.
Gyda'i byd wedi ei chwalu o'i chwmpas, caiff Gaynor ei gwthio i eithafion enbyd er mwyn dial.
Sylwa DJ fod ganddo benderfyniad mawr i'w wneud ynghylch ei ddyfodol gyda Sioned.
Mae ymweliad gan ei dad yn gwneud mwy o ddrwg nag o les i gyflwr emosiynol Mathew.
Mae Sion yn amlinellu amodau dadleuol i'w cynnig am y Caffi, fydd yn golygu newid byd i Kelly.
Penderfyna Cassie ymyrryd pan gaiff lond bol ar Kath yn llyfu ei chlwyfau wedi i Brynmor dorri ei chalon.
Rhaid i Kelly wynebu penderfyniad mawr wrth iddi dderbyn cynnig uwch am y Caffi sy'n trechu cynnig Sion.
Wedi i Kelly adael y Caffi, mae'r perchennog newydd yn cyhoeddi ei fwriad o roi dyfodol gwahanol i'r lle.
Aiff pethau o ddrwg i waeth i Kelly wrth iddi dderbyn newyddion sy'n ei gorfodi i ail-feddwl ei dyfodol.
Mae teulu Iolo'n poeni pan nad oes sôn amdano ar ddiwrnod ei apwyntiad ysbyty ar gyfer ei lawdriniaeth.
Mae pwysau ar deulu Iolo i ddod o hyd iddo wrth iddo beryglu colli llawdriniaeth hanfodol i drin ei gancr.
Mae Colin yn cyffroi wrth drefnu priodi Britt yn swyddogol, ond a fydd hi mor gyffrous ar ôl gorglywed am noson Ddolig feddwol Colin ag Eileen?
Mae Hywel yn poeni fod Ffion yn yfed eto - ond am ba hyd fydd hi'n gallu cadw ei chyfrinach wrtho?
Yn dilyn llawdriniaeth Iolo, a oes gobaith iddo ef a Tyler ail-ddechrau eu perthynas?
Aiff pethau o chwith rhwng Kelly a Jason wrth iddynt wynebu bod yn ddigartref.
Mae John Deri Fawr yn trio ei lwc ac yn gofyn i Eileen fynd am ginio gydag ef i'r Deri. A chaiff ei themptio?
Daw euogrwydd Colin i'w boeni ar ddiwrnod cyn ei briodas ef a Britt. Ydy e'n cael traed oer?
Mae diwrnod y briodas yn cyrraedd, ond pwy fydd Colin yn dewis - Britt neu Eileen?
Sut fydd tad babi Ffion yn ymdopi pan ddaw i wybod fod ganddo blentyn ar y ffordd? Caiff Iolo newyddion am ganlyniad ei driniaeth.
Gyda Garry a Dylan yn awyddus i swyno Dani, pwy fydd yn llwyddo i gael ei sylw?
Mae John Deri Fawr yn mynd cam yn rhy bell gan adael Eileen mewn peryg.
Wrth i Kelly siomi Jason gyda'i herthygl, daw profiad llesol iddo yn y pendraw.
Aiff yn ffrae rhwng Tesni a Sion wrth i Sion ei chyhuddo o ddod ag enw drwg i'r siop.
Mae Mark mewn hwyliau da wrth iddo baratoi am gyfarfod ar-lein gydag Andrea.
Wrth i Dylan ymddwyn yn rhyfedd, mae Dani yn amau fod rhywbeth mawr o'i le.
Mae Cassie'n rhoi llond pen i Kelly am ysgrifennu erthygl mor bersonol amdani.
Caiff Kath ei syfrdanu wrth ddarganfod gwerth ei modrwy ddyweddïo.
Mae Sara yn mynd cam rhy bell wrth iddi gusanu Jason.
Wrth i Rhys feddwi'n y Deri daw'n amlwg bod ei ymddygiad yn mynd o ddrwg i waeth. Ceisia Izzy gymodi gyda Gaynor.
Mae gan Brynmor waith seboni i wneud ond a fydd Kath yn maddau iddo am y twyll?
Daw Dylan i ymddiheuro wrth Dani am ei siomi ond darganfydda fod Garry wedi achub y dydd.
Mae Kelly'n gwrthod ildio i fygythiadau Sara wrth iddi dderbyn y posibilrwydd o gael ei dedfrydu i garchar.
Gwna Jason ei benderfyniad ynghylch cael ail blentyn gyda Sara.
Mae Dylan yn gweld potensial am recriwt newydd wrth iddo drio rhwydo Aaron i gludo parseli iddo.
Caiff Aaron draed oer pan sylwa beth yw cynnwys parseli Dylan, ond does dim dianc iddo bellach.
Mae Cassie am i'r ddaear ei llyncu pan ma camddealltwriaeth yn codi cywilydd arni a'n bygwth chwalu cyfeillgarwch agos.
Mae Sioned yn gandryll pan mae Eileen yn derbyn llythyr wedi'w anfon at Jim am ei ddyled ariannol i APD. Wrth i Sioned ag Izzy fynd benben, mae Mathew yn ailfyw digwyddiad trawmatig o'i orffennol.
Wrth i ymddygiad dirgel Aaron barhau i boeni Britt, aiff Garry i weld Aaron a phwyso arno i ddatgelu beth sy'n ei boenydio. Un arall sy'n ceisio helpu ei deulu yw Dylan, sy'n rhoi cynnig arbennig i Aled i helpu ei sefyllfa ariannol.
Wrth ddal Garry yn llwytho bocsys amheus i'r garej, mae Tyler yn hyderus fod ganddo'r dystiolaeth sydd angen arno.
Mae Dani'n poeni am sôn wrth y plant bod hi a Garry yn ôl gyda'i gilydd.
Ar ddiwrnod dathliadau'r Fari Lwyd, mae pawb yn ddiolchgar i Jinx, ond barn un person sy'n bwysig iddo.
Wrth i'r fideo ledaenu drwy'r Cwm, ai dyma'r diwedd ar yrfa Cai? Mae Sion yn awyddus i wybod am gynlluniau Garry i'r siop chips.
Mae Mark yn annog Dani i gwestiynu gonestrwydd Garry gyda'i fenter newydd.
Mae Tyler am ddod o hyd i'r gwir am Garry, ac yn benderfynol o ganfod tystiolaeth y tro hwn.
Mae Tyler wedi diflannu o'r cwm, a Dani'n dechrau poeni am ei brawd.
Poena Garry bod Colin yn gweithio'n rhy galed wedi iddo gael damwain ym Mhenrhewl.
Mae gan DJ syniad am fenter newydd i ddatrys eu dyledion. Penderfyna Cai stopio yfed ond a fydd e'n gallu cadw at ei addewid?
