Í þessum fyrsta þætti ætlar Ævar að rannsaka farartæki. Við fræðumst um fyrstu flugvélina, skoðum íslenskan kafbát og svo reynir Ævar að hjóla til Viðeyjar.
Í þessum þætti lítum við til himins og týnum okkur í stjörnunum. Við fjöllum um geiminn og geimverur, hvað gerist ef geimfari deyr í geimnum og hittum alvöru geimfara. Sævar Helgi stjörnufræðingur kíkir í heimsókn, Sprengjugengið gerir allt vitlaust og svo rannsökum við fyrstu konuna sem fór út í geim.
Í þessum þætti skoðar Ævar dýr. Jane Goodall er vísindamaður dagsins, við rannsökum Mantis-rækjuna og syngjum liti sem enginn sér nema hún. Við smökkum orkustangir úr krybbum, skoðum Vitsugu-vespur, setjum rykmaura undir smásjánna og svo ætlar Ævar að heimsækja hest sem kann bæði að telja og mála.
Í þessum þætti ætlar Ævar að skoða orku. Við notum laufblásara til að búa til svifbretti, vísindamaður dagsins er Niels Bohr sem kom að þróun kjarnorkusprengjunnar, Sprengju-gengið mætir á svæðið, heimsækjum Orkuverið Jörð og skoðum dýr í útrýmingarhættu.
Í þessum þætti rannsakar Ævar líkamann. Við skoðum múmíur og hvernig hlutir eru aldursgreindir, vísindamaður þáttarins er Louis Pasteur, við veltum því fyrir okkur hvers vegna við þurfum að sofa og svo sýnir Adam úr Sprengjugengi HÍ hvernig maður notar vísindin til að rannsaka glæpi.
Í þessum þætti skoðar Ævar mistök, sem bæði geta verið af hinu góða og eins haft hræðilegar afleiðingar í för með sér.
Í þessum þætti fjallar Ævar vísindamaður fjallar um tíma og forritun. Við hittum /sys/tur í HR, skoðum fyrsta forritarann, sjáum hvernig tölvuleikur verður til og fáum Verkís til að búa til fyrir okkur flöskuskeyti sem hægt er að fylgjast með á netinu!
Við tókum upp svo mikið af efni í ár að við hreinlega urðum að gera aukaþátt. Í honum skoðum við hvers vegna fólk er ekki allt eins á litinn, heimsækjum Könnunarsögusafnið á Húsavík og athugum hvort fiskar geta hlustað á Rolling Stones. Sprengjugengið verður á sínum stað, við rannsökum gervigreind og ótalmargt fleira!
Í fyrsta þætti vetrarins heimsækir Ævar Surtsey, spjallar við hina einu sönnu Dr. Jane Goodall, skoðar íslenska tilraun sem gæti bjargað heiminum og hægir allverulega á sér.
Í þættinum fjallar Ævar um konur í vísindum. Við heimsækjum fornleifafræðing og skoðum beinagrind, förum út á land og rannsökum verkefni hjá Landvernd, fjöllum um konurnar sem björguðu NASA, fræðumst um Samtök kvenna í vísindum og svo ætlar hin eina sanna Sprengju-Kata að kíkja í heimsókn.
Í þætti dagsins ætlar Ævar að skoða alls konar vísindi. Við heimsækjum Vísindavef Háskóla Íslands, skoðum ævafornt sverð, vísindakona dagsins er heimspekingur, við rannsökum hvers vegna okkur kitlar og svo ætlum við að komast að því hvað varð um flöskuskeytin sem Ævar kastaði í hafið fyrir rúmu ári síðan.
Í þættinum setjum við frumefnin undir smásjána. Vísindamaður dagsins bjó til lotukerfið, við skoðum hvað gerist ef allt súrefni á jörðinni hyrfi í fimm sekúndur og svo ætlar Ævar að skoða vísindin á bak við köfun.
Í þessum þætti skoðum við stærðfræði og alls kyns furðuleg stærðfræðidæmi, vísindamaður dagsins er Alan Turing og að lokum ætlum við að reyna að búa til Dauðahafið.
Í þætti kvöldsins leggur Ævar land undir fót og fer alla leið til Genfar til að skoða afar áhugavert farartæki. Hann rannsakar risastórt vélmenni og veltir því fyrir sér hvernig flugvélar haldast á lofti hér á jörðinni - og hvernig þeim myndi farnast á öðrum plánetum. Kristófer Kólumbus er landkönnuður þáttarins og Sprengju-Kata kíkir í heimsókn.
Í þætti dagsins skoðum við hvaða áhrif einelti getur haft á líkamann, vísindakona dagsins er læknirinn Helen Taussig (leikin bæði af Sigrúnu Eddu Björnsdóttur og Sigurjónu Rós Benediktsdóttur), tvær íslenskar uppfinningakonur koma í heimsókn, við heimsækjum Einkaleyfastofuna og svo breytum við Stúdíói A í risatölvuleikjafjarstýringu!
Í lokaþætti Ævars vísindamanns leggjum við land undir fót og heimsækjum stærstu tilraun í heimi; hraðalinn í CERN. Við spjöllum líka við sigurvegara Nýsköpunarkeppni grunnskólanna og hin eina sanna Dr. Jane Goodall, sem við hittum í fyrsta þætti vetrarins, kíkir aftur í heimsókn og gefur okkur góð ráð.