「我有個好幸福的家庭，在一個好好的背景長大，爸爸媽媽俾到我去外國讀書，跟住在外國認識到丈夫，係人生好好的一件事」 Joyce 自小生活無憂，在澳洲讀書畢業當了兩年律師後，決定辭職結婚、全心全意照料新家庭。 「綜援的錢，其實兩個人唔夠用，即係 d 錢可以餵飽你，但係唔會滿足到生活的其他需要」在節目中，Joyce 要與一個領取單親綜援的新移民家庭生活，既要搵工做兼職，又要照顧患有過度活躍症的小朋友。 「環境因素令佢地好多野都做唔到，佢地好難做到 d 咩去 improve 自己的 life，憑佢地的一雙手，係做唔到…」長時間打理家頭細務、照顧小朋友及做散工，卻始終未能改善生活環境，令 Joyce 對前景感到無望，亦開始體會到近 130 萬貧窮人士的心情。